Primeiro Punto.
Neste punto, tratáronse as
seguintes emendas presentadas por Cupas.
1. No artigo 2, referente á
elección dos membros da Comisión de Estatutos, aceptouse que cada
sector elixise ós seus representantes, cousa que era presuposta pero
que non viña especificado na devandita normativa.
2. No artigo 3, tamén se
aceptou unha emenda que ía no mesmo sentido da anterior: "no
proceso de elección cada sector votará a un máximo dun 70 % dos
representares a elixir dentro do sector correspondente.
3. No artigo
12 tiñamos dúas emendas: “O proxecto na súa totalidade, deberá
ser aprobado pola maioría dos membros da Comisión, con excepción
dos artigos que atinxan ós diferentes sectores da comunidade
universitaria representados no Claustro, que necesitarán dunha
maioría de 2/3” e "Os artigos dos Estatutos que atinxan
(...) en votación final no Claustro" tendentes, ámba-las
dúas, a garantir un amplo consenso en temas de PAS. A primeira
delas foi rexeitada, e a segunda retirámo-la nos mesmos para chegar
a un consenso.
Segundo
Punto.
1. No artigo 9, referente á composición da
Mesa do Claustro, había dúas propostas inicias no borrador.
”A mesa do claustro
estará composta polos seguintes membros:
[...]
b.1) O Secretario,
que será o o Secretario Xeral da Universidade.
b.2) O Secretario,
que será o Secretario Xeral da Universidade, con voz pero sen
voto.
[...]”
A primeira opción foi
asumida e defendida polo Sr. Rector como unha proposta persoal del.
A segunda, foi defendida por CUPAS argumentando que o Secretario
Xeral foi imposto pola LOU como membro nato do Claustro, en
contraposición ó resto de claustrais que foron elixidos
democraticamente pola comunidade universitaria, polo que non debería
ter voto na Mesa. Finalmente, aprobouse a nosa proposta en votación,
no que, para nos, era un dos puntos máis importantes do Claustro.
2. No artigo 13, referente
á convocatoria do claustro, tamén había dúas propostas iniciais:
1.a.- “ A
convocatoria do Claustro corresponde ó Rector, que deberá tamén
convoca-lo Claustro por proposta do Consello de Goberno. O
Rector deberá, así mesmo, convoca-lo Claustro cando sexa
solicitado, alomenos, por un vinte por cento dos seus membros.
Neste caso, os solicitantes deberán indicar tamén o punto ou
puntos que desexan tratar na sesión."
1.b.- “ A
convocatoria do Claustro corresponde ó Rector, que tamén deberá
convoca-lo por proposta do Consello de Goberno ou cando sexa
solicitado, alomenos, por un vinte por cento dos membros do
Claustro. Nestes casos, os solicitantes deberán indicar tamén o
punto ou puntos que desexan tratar na sesión, que serán os
únicos da orde do día correspondente. Esta convocatoria non
poderá aprazarse máis de 15 días naturais"
Estívose a piques de chegar
a un acordo que consistía en engadir á opción 1.a.) un prazo máximo
de 30 días para a convocatoria do Claustro, cando este fora
solicitado por, alomenos, un vinte por cento dos claustrais. Pero,
finalmente, o Sr. Tojo non aceptou a proposta e foise á votación,
resultando elixida a opción 1.a.) coa súa redacción orixinal.
Terceiro
Punto.
1.
Comisión de Estatutos. En Cupas decidimos presentar só dous
candidatos dos tres posíbeis, para deixarlle representación a
Queicoiñas. Estes retiraron un dos dous candidatos que
presentaran, polo que xa non houbo votación. Os nosos
representantes na Comisión de Estatutos son
Xan Cebro e
J. S. Santos.
2.
Comisión Electoral:
Produciuse a mesma situación que na comisión anterior. Por Cupas
están David Basalo e
Nuria Andión.
Salientar,
tamén, que CUPAS trasladou ó Claustro un comunicado de protesta dos
sindicatos, e dos tres sectores, pola exclusión dos representantes
sindicais no Consello de Goberno.
Por último,
convidar de novo a todas e todos as compañeiras e compañeiros a
participar activamente nun proceso de grande importancia para a nosa
Universidade como é a elaboración dos Estatutos. Se queres poñerte
en contacto con CUPAS, podes escribir ó noso enderezo electrónico
cupas@uvigo.es.