UNIVERSIDADE PÚBLICA E DEMOCRÁTICA. 
ÓRGANOS DE GOBERNO UNIPERSOAIS E OUTROS POSTOS ADMINISTRATIVOS.

• Rector e equipo de goberno: petición de reprobación a instancias de 1/3 dos membros do Claustro e para que prospere a iniciativa o voto afirmativo da metade mais un do total dos membros que integran o Claustro da Universidade.

• Xerente: será nomeado polo Rector de entre funcionarios do grupo A, Técnicos de Xestión da Administración, de acordo co Consello Social, tralo informe favorable do Consello de Goberno e informados e oídos os representantes dos traballadores da Universidade. O exercicio do cargo de Xerente requirirá adicación a tempo completo e a súa titularidade será incompatible co desempeño de funcións docentes e investigadoras. Defendemos unha Xerencia forte, organizada e con capacidade plena para executa-los acordos acadados cos órganos de representación do persoal.

• Vicexerentes: o Rector poderá nomear Vicexerentes, como froito das necesidades organizativas da Xerencia, de entre os membros das escalas de técnicos de Xestión Universitaria ou de Corpos de Administración do Estado e os seus Organismos Autónomos, así como do grupo laboral equivalente, preferiblemente, que presten servicios na Universidade de Vigo.

• Secretario Xeral: nomeamento de entre funcionarios de administración do grupo A que presten servicios na Universidade de Vigo.

• Administrador de Centro: mantemento da regulación que figura nos actuais Estatutos da Universidade.

• Presidente do Tribunal de Garantías: ten que ser unha persoa independente e desvincularse de calquera órgano de representación, de xeito que poida desenvolver as súas funcións desde a máis estricta imparcialidade.