UNIVERSIDADE PÚBLICA E DEMOCRÁTICA.

O noso posicionamento a prol dunha Universidade Pública e democrática concrétase nas seguintes reivindicacións:

• Garantía da participación plural dos diferentes sectores universitarios nos órganos de goberno, e principalmente no Claustro e Consello de Goberno. Como mínimo, deberá existir unha representación do PAS dun 10% nos órganos colexiados.

• En xeral nos Estatutos da Universidade de Vigo deberase dar maior preponderancia e competencias ós órganos colexiados sobre unipersoais, e ós elixidos sobre os designados.

• Normalización do uso e coñecemento do idioma galego en tódolos ámbetos universitarios. Creación dun Servicio de Traducción e Normalización Lingüísticas propio.

• É preciso acadar unha maior transparencia na información sobre o que pasa no Claustro ou no Consello de Goberno, garantindo a consulta e participación do colectivo que representamos naquelas decisións que nos afectan directa ou indirectamente. Establecerase, por parte de CUPAS, un contacto permanente cos electores a través de: informacións escritas, asembleas, páxina web na Universidade, etc., con especial énfase na información derivada das reunións de Claustro e Consello de Goberno.

• Reivindicamos a defensa do público como garantía dos intereses colectivos fronte á iniciativa privada movida polo beneficio individual e os intereses particulares. Neste senso, deberase impulsar o campo do público na Universidade, tanto no que atinxe á docencia e á investigación, como na xestión administrativa e dos servicios. Polo tanto, deberase iniciar un proceso que inverta as políticas de privatizacións que se produciron nalgúns servicios nos últimos anos.

• Reconversión da Unidade Técnica como parte do cadro de PAS propio da Universidade de Vigo.